Нінэль Аляксандраўна Ткачэнка

Нінэль Аляксандраўна Ткачэнка
Дата нараджэння	21 лістапада 1928(1928-11-21)
Месца нараджэння	Харкаў, Харкаўская акруга[d], УССР, СССР
Дата смерці	26 верасня 2007(2007-09-26) (78 гадоў)
Месца смерці	Масква, Расія
Месца пахавання	Траякураўскія могілкі
Краіна	СССР  Расія
Альма-матар	Харкаўскае музычнае вучылішча імя Б. М. Ляташынскага[d]
Месца працы	Дзяржаўны акадэмічны Вялікі тэатр оперы і балета БССР Маскоўская дзяржаўная акадэмічная філармонія[d] Адэскі нацыянальны акадэмічны тэатр оперы і балета Нацыянальная музычная акадэмія Украіны імя Пятра Чайкоўскага Львоўскі нацыянальны акадэмічны тэатр оперы і балета імя Саламіі Крушальніцкай
Музычная дзейнасць
Прафесіі	оперная спявачка, рэжысёр
Пеўчы голас	сапрана
Інструменты	вакал
Жанры	опера
Узнагароды

Нінэль Аляксандраўна Ткачэ́нка (укр.: Нінель Олександрівна Ткаченко; 21 лістапада 1928, Харкаў, УССР — 26 верасня 2007, Масква, Расія) — савецкая, украінская, беларуская і расійская оперная спявачка (сапрана), рэжысёр-пастаноўшчык. Народная артыстка СССР (1964).

Біяграфія

Нарадзілася 21 лістапада 1928 года ў Харкаве. У 1958 годзе скончыла Харкаўскую кансерваторыю па класе спеву ў Т. Я. Веске.

З 1958 года спявала ў Опернай студыі Кіеўскай кансерваторыі.

У 1960—1962 гадах была салісткай Львоўскага, у 1962—1968 гадах — Беларускага, а ў 1968—1980 гадах — Адэскага тэатраў оперы і балета.

З 1982 года была салісткай і мастацкім кіраўніком Маскоўскай філармоніі.

Спявала ў Вялікім тэатры (Ліза ў «Пікавай даме» П. І. Чайкоўскага, Яраслаўна ў «Князе Ігары» А. П. Барадзіна, Аіда ў аднайменнай оперы Дж. Вердзі, Тоска ў аднайменнай оперы Дж. Пучыні).

Выступала як камерная спявачка. У яе шырокім канцэртным рэпертуары прадстаўлены оперныя арыі, рамансы і народныя песні, якія нячаста выконваюцца. Зрабіла мноства памятных запісаў, якія ўвайшлі ў «залаты фонд» Усесаюзнага радыё.

Гастралявала за мяжой. У 1976 годзе выканала партыю Абігайль у оперы «Набука» Дж. Вердзі на Міжнародным фестывалі опернага мастацтва ў Сегедзе (Венгрыя).

З 1991 па 2003 год — мастацкі кіраўнік, рэжысёр-пастаноўшчык і кіраўнік вакальнай майстэрні Канцэртнага аб’яднання Маскоўскай філармоніі.

З 2002 па 2007 год — мастацкі кіраўнік дзяржаўнага ансамбля салістаў «АРос» («Масканцэрт»).

Абіралася дэпутатам Мінскага гарадскога Савета дэпутатаў.

Памерла 26 верасня 2007 года ў Маскве. Пахавана ў Маскве на Траякураўскіх могілках.

Узнагароды

• Народная артыстка СССР (1964),
• ордэн Пашаны (1999),
• ордэн «За заслугі перад Айчынай» IV ступені,
• Памятны знак «Залаты Апалон» Фонду імя П. І. Чайкоўскага.

Літаратура

• Ткачэ́нка Нінель Аляксандраўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 476. — 10 000 экз. — ISBN 985-11-0035-8. — ISBN 985-11-0251-2 (т. 15).
• Ткаче́нко Нинель Александровна // Т. 26. Тихоходки — Ульяново. — М. : Советская энциклопедия, 1977. — С. 13—14. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Ткаче́нко Нинель Александровна // Музыкальный энциклопедический словарь (руск.) / гл. ред. Г. В. Келдыш. — М.: Советская энциклопедия, 1990. — С. 546. — 672 с. — 150 000 экз. — ISBN 5-85270-033-9.
• Зарубин В. И. Ткаче́нко Нинель Александровна // Музыкальная энциклопедия : [в 6 т.] / Гл. ред. Ю. В. Келдыш. — М.: Советская энциклопедия: Советский композитор, 1973—1982. — (Энциклопедии. Словари. Справочники. Изд-во «Советская Энциклопедия», Изд-во «Советский композитор»). — Т. 5: Симон — Хейлер. — 1981. — Стб. 540—541. — 1056 стб., илл. — 102 200 экз. (руск.)
• Шнеер А. Я. Ткаче́нко Нинель Александровна // Театральная энциклопедия. В 5 томах. (руск.) / Под редакцией С. С. Мокульского (том 1), П. А. Маркова (тома 2—5). — М.: Советская энциклопедия, 1967. — Т. 5: Табакова — Яшугин. — Слп. 211—212 — Col. 1136 — 38 000 экз.